Nagtitinir na naka-alerto an Philippine Red Cross (PRC) mantang padagos na nagbubuhos an makurog na uran kawsa kan Southwest Monsoon o Habagat, na nagkakawsa nin pagbaha asin localized landslides sa manlaeng-laeng probinsya.
Segun sa PRC, nagpuon na an saindang mga rescue asin relief operations nganing tulos na matabangan an mga apektadong residente.
Sinabi ni PRC Chairman asin CEO Richard Gordon na aktibong naghihiro ang mga Red Cross chapters asin emergency rescue units sa manlaen-laeng lugar, kabale an pagresponde sa mga na-stranded na residente asin magin an atamang hayop, mantang nagdadara man nin emergency food supplies sa mga komunidad na lubog sa baha.
Dagdag pa ni PRC Secretary General Dr. Gwendolyn Pang, padagos nindang mino-monitor ang antas kan tubig asin peligro kan landslide sa Oriental Mindoro, Zambales, Romblon, asin Cavite, kung saen an mga RC143 volunteers an warang pundo na nagtatrabaho nganing masierto an kaligtasan kan namamanwaan.
Padagos na nangangapudan an PRC sa publiko na magtinir na alerto asin makipagkoordinar sa saindang mga lokal na chapter para sa tulos na tabang.
