Magdadara nin mapanganuron na kalangitan na igwang kalat-kalat na pag-uran asin thunderstorms an Southwest Monsoon o Habagat sa Luzon ngunyan na Martes.
Basado sa state weather bureau, duwang tropical cyclone asin sarong Low Pressure Area (LPA) an saindang pigmo-monitor sa luwas kan Philippine Area of Responsibility (PAR).
Enot digdi an Typhoon Saudel, na dating bagyong Obet na nasa distansyang 1,180 kilometro silangan-hilagang-silangan kan Extreme Northern Luzon.
Igwa ining maximum sustained winds na 150 kilometro kada oras asin pagbugso na hasta sa 185 kilometro kada oras, mantang naghihiro pahilagang-kanluran sa rikas na 25 kilometro kada oras.
Mientras tanto, nagluya man bilang tropical depression an Tropical Storm Atsani, na nasa rayong 1,760 kilometro sirangan kan Northern Luzon.
Mantang an Tropical Depression Gaenari, na dating Neneng, an nagluya asin naging LPA.
Segun sa PAGASA na sadit an posibilidad na liwat ining maging tropical depression sa laog nin masunod na 24 oras.
Mientras tanto, makaka eksperyensya man an Metro Manila, Ilocos Region, Cordillera Administrative Region, Cagayan Valley, Central Luzon, Cavite, Batangas asin Rizal nin mapanganuron na kalangitan na igwang kalat-kalat na pag-uran asin thunderstorm huli sa padagos na paghatak kan Habagat.
