Nanindugan si Interior and Local Government Secretary Jonvic Remulla na dae nagpupundo an gobierno ngani na maarestar sinda Senator Ronald “Bato” Dela Rosa asin dating presidential spokesperson Harry Roque.
Dae suboot nagpupundo an kapulisan ngani na dagos na mahanap an lokasyon kan senador.
Paliwanag kaini na igwang pigigibong istratehiya ngani na maparikas an manhunt operations.
Marurumduman na huring nahiling an senador kan Mayo 13 kan mag-atendir ini sa session kan Senado.
Pinaghahanap si Dela Rosa makalihis magpaluwas nin warrant of arrest an International Criminal Court (ICC) katakod kan war-on-drugs kan panahon ni dating Presidente Rodrigo Duterte.
Si Roque man an pigpapahanap kan korte kan Angeles City, Pampanga huli sa kasong human trafficking na may kinaaraman sa pagkaka imbwelto kaini sa Philippine Offshore Gaming Operator (Pogo).
