LEGAZPI CITY-Matrayumpong nasakote an duwang personalidad na igwang bitbit na iligal na droga sa isinagibong magkahiwalay na interdiction sa Matnog Port kan Philippine Drug Enforcement Agency Regional Office 5 (PDEA Bicol).
Segun kay PDEA Bicol Spokesperson Carlo Fernandez, sa intrevista kan Bombo Radyo Legazpi na duwang personalidad an saindang nadiskubre an igwang darang kontrabandong iligal na droga sa Matnog Port sa saindang operasyon.
An panduwang personalidad nasakote kan Hulyo 18, sarong 33-anyos asin Bio-medical Techinician na gikan pa sa Samar.
Nakumpiskar digdi an sarong gramo nin iligal na droga, glass tube, asin iba pang paraphernalia.
Isinagibo an nabanggit na operasyon katuwang an PDEA Bicol, Philippine Authority Matnog, Matnog MPS, PCG Matnog, asin PNP Maritime Group.
Sinabi ni Fernandez na haros bulan bulan igwang nadadakop sa nasabing pantalan mantang diit sana an bitbit na mga kontrabando kumparar kan mga nakaaging taon.
Kadakol man na pinagbabantayan na lugar an ahensya sa provincia kan Sorsogon asin padagos na nagreresulta an saindang mga operasyon.
