LEGAZPI CITY-Nasabat an sarong drug courier nin P136-K na kantidad nin shabu sa Matnog Port, sa Sorsogon.
Segun kay PDEA Bicol Public Information Officer Carlo Fernandez, sa intrevista kan Bombo Radyo Legazpi na saro ining 33-anyos, driver, asin hale sa Dasmariñas, Cavite.
Nakuwa sa saiyang bag an 20 grams nin shabu na may pinagkakarkulong kantidad na 136,000, 13 pidaso nin heat-sealed transparent sachet, asin 2 transparent glass tube.
Sinabi kan opisyal na posibleng naggamit an suspek bago pa man siya mag-biyahe.
An nabanggit na suspek hale mabiyahe kuta pasiring sa Visayas, sa Leyte-Samar-Tacloban na ruta.
Mahahampang ini sa pagbayolar sa section 11 asin 12 kan Republic Act 9165.
Sa ngonian, nasa kustodiya ini kan Sorsogon Regional Office mantang pigko-kompleto an papeles asin ebidensya para sa saiyang kaso.
Dagdag pa kan opisyal na nagin epektibo an saindang kooperasyon asin importante ini ngani mabantayan an mga nagluluwas asin naglalaog sa rehiyon.
