LEGAZPI CITY—Arestado an sarong lalaking Malaysian national makalihis makuwaan nin pigtutubudang shabu durante kan drug interdiction operation sa Matnog Port, Sorsogon.
Segun ki Philippine Drug Enforcement Agency Bicol Public Information Officer Carlo Fernandez, sa intrevista kan Bombo Radyo Legazpi, naarestar ninda si alyas “Jiun”, 32-anyos, sarong negosyante gikan sa Pasay City, asin pasiring kutang provincia nin Samar.
Kaiba kaini an saiyang nobya kun saen nakatalaan kutang ipabisto ini sa pamilya kan babae.
Durante kan inspeksyon, nakuwaan an suspek nin sarong gramo nin pigtutubudang shabu na may kantidad na P6,800.
Basado sa saindang imbestigasyon, personal ining pigggamit kan suspek asin dae man pigpabakal.
Napag-araman na dati nang may kaso ini sa pagbalgar sa Republic Act No. 9165, o Comprehensive Dangerous Drugs Act of 2002 asin may iba pang nakabinbin na kaso.
Sa presente nasa kustodiya na ini kan PDEA Regional Office V asin padagos na pig-iimbestigaran
