LEGAZPI CITY—Takdag sa kamot kan mga otoridad an duwang indibidwal sa ginibong magkahiwalay na interdiction operation kan Philippine Drug Enforcement Agency Regional Office 5 sa paagi kan Seaport Interdiction Unit (SIU) Matnog sa Matnog port sa provincia kan Sorsogon.
Segun ki Matnog Municipal Police Station Chief of Police Police Major Wilfred Lloyd Berdin, intrevista kan Bombo Radyo Legazpi, naarestar an enot na suspek na taga-Rodriguez, Rizal makalihis na may mahulog na nakatiklop na pidason nin papel durante kan pag-inspeksyon.
Makalihis na buksan an papel, napag-araman na may laog ining duwang heat-sealed transparent plastic sachets na pigtutubudang shabu na nagkakantidad na P6,800.
Afuera digdi, naarestar pa an sarong indibdiwal na sarong 34-anyos na taga-Sultan Kudarat, makalihis na mahilingan ini nin pighihinalaang na ilegal na droga mantang pag-agi kaini sa Xray machine para sa inspeksyon.
Makalihis man an kadugangang pang inspeksyon nagpositibo ini sa pagdara nin ilegal na droga kun sain nakumpiskar saiya an sarong transparent plastic sachet na may alog nn pgtutubudang shabu na may standard value na P6,800.
Tinawan-doon kan opisyal na mahigot an pagbabantay kan mga kapulisan, Philippine Ports Authority asin PDEA sa lugar asin pig-asigurar na dae makakalusot an anumang ilegal na kontrabando paluwas o palaog sa nasabing pantalan.
