LEGAZPI CITY-Nadakop an nasa 11 drug suspects sa magkakasunod na isinagibong drug buy bust operation, mantang na-dismantle man an sarong drug den.
Segun kay PDEA Bicol Spokesperson Carlo Fernandez sa intrevista kan Bombo Radyo Legazpi na tulong sunod sunod na drug buy bust operation an isinagibo kan Hulyo 24, 2026.
Kun sain naarestar sa Barangay Magang, Daet, Camarines Norte an 3 drug personalities asin duwang drug den an na-dismantle digdi.
Pig-tag an mga ini bilang mga high value target asin binisto na sina alyas “John”, alyas “Mark”, alyas “Felix”.
Nakua digdi an dai mababa sa 12 gramo nin shabu na igwang standard value na P81, 600.
Pinangenotan an operasyon kan PDEA Camarines Norte, sa suporta kan PDEA Region 5 asin PDEA sea port sa Matnog asin Pasacao, siring man an Daet Municipal Police Station.
Sa hiwalay na operasyon, nadakop man an 3 pang suspek sa San Francisco, Iriga City sa Camarines Sur sa pakikipagtabangan kan kumunidad.
Nadakop sinda alyas “Tito”, alyas “Troy” asin alyas “Tony” asin nakumpiskar an dai mababa sa 20 grams nin pinagtutubudang shabu na igwang pinagkakarkulong kantidad na nasa P136, 000.
Naarestar an mga suspect sa pakikipagtabangan kan PDEA Camarines Sur Office asin kan PDEA Intelligence Unit.
Mientras tanto, sa kaparehong lugar, sabay-sabay man na nadakop an lima pang drug personality asin na-dismantle an sarong drug den.
Nadakop sinda alyas “Franco” na sarong drug den maintainer, alyas “Kevin” asin alyas “Jess” na parehong taga-Iriga.
Siring man an mga visitors na sinda alyas “John” asin alyas “Sam”.
Nakua sa mga suspek an dai mababa sa 16 gramo kan droga asin may kantidad na nag-aabot sa P108,800.
Naarestar an mga ini sa koordinasyon kan PDEA Regional Special Enforcement Team 2, PDEA Camarines Sur Provincial Office asin kan PDEA Barangay Drug Clearing team.
Segun kay Fernandez, dakulang bagay ini asin igwang magayon na epekto sa komunidad orog na resulta ini kan mga communit complaint na saindang nareresibe
