LEGAZPI CITY-Mawot kan piskalya kan Kamara na lubos na ibuyagyag ni NBI Director Melvin Matibag an resulta kan imbestigasyon sa mga suboot panakot ni Bise Presidente Sara Duterte ki Presidente Ferdinand Marcos Jr..
Segun sa House prosecutor asin Bicol Saro Party-list Rep. Terry Ridon, mawot nindang ipaliwanag ni Matibag an imbestigasyon kan NBI, kabale na an iba pang ahensya na nakisumaro sa imbestigasyon asin kun igwa pa nin huma kontra sa Presidente asin sa saiyang pamilya.
An kaso may kinaaraman sa pahayag ni Duterte kan Nobyembre 23, 2024 na siya suboot an nagsugo na gadanon an Presidente, First Lady Liza Araneta-Marcos asin si dating Speaker Martin Romualdez kun siya magadan.
Pakatapos kan imbestigasyon, irinekomendar kan NBI an pagsangat nin grave threats asin inciting to sedition.
Piglalaoman na si Matibag na magigin huring testigo kan piskalya sa impeachment complaint bago ini maghiro sa pagtukar kan suboot isalang an paggamit ni Duterte kan confidential funds.
