Sarong hero’s welcome an nagsabat sa Filipina asin tennis ace na si Alex Eala sa saiyang pagbabalik sa Pilipinas ngonian na Domingo, makalihis an sarong makasaysayang laban sa Wimbledon.
Nag-abot si Eala sa Ninoy Aquino International Airport Terminal 3 sa Pasay City.
Sinabat an 21-anyos na Tennis star kan mga haralangkaw na sports officials kabale sinda Philippine Sports Commission Chairman Patrick Gregorio, Philippine Olympic Committee President Abraham “Bambol” Tolentino asin Philippine Tennis Association Secretary General John Rey Tiangco.
Nakangirit si Eala kan naglaog siya sa international arrivals area, sinabat kan performing arts group na Banda Kawayan ng Pilipinas asin sarong welcome message sa LED screen.
Makusog man an cheering kan mga fans asin pigbabati si Eala mantang naglalakaw siya paluwas kan NAIA Terminal 3.
An 21-anyos na player an hale pa sana sa sarong makasaysayang karera sa Wimbledon kun sain naguno niya an kadakol na trayumpo, na nagtapos sa saiyang journey sa Round of 16.
Afuera sa paggugol nin oras kaiba an saiyang pamilya asin mga amigo, maatendir man si Eala sa pirang brand events sa Metro Manila ngunyan na semana.
