LEGAZPI CITY-Nakumpiskar kan pulisya an nasa 72.5 gramo nin pinagtutubudang shabu na nagkakatindad nin poco mas o menus P493,000 hale sa suboot duwang high value drug personalities sa Barangay Estancia, Malinao, Albay.
Segun kay Albay Provincial Office Provincial Director Police Colonel Noel Nuñez, sa intrevista kan Bombo Radyo Legazpi na ini makalihis an ikinasang operation kan mga otoridad sa lugar asin tulos na naarestar an mga suspetchado mantang pig-porbaran pang magtakas.
An mga suspetchado sarong lalaki asin babayi asin haloy nang pinagbabantayan kan mga otoridad huli ta mga high value individual asin sinda mismo an suboot nagbabagsak nin droga sa area.
Nagin matrayumpo an operasyon sa pangenot kan Provincial Intelligence Unit, Malinao Police Station, asin kan PDEA.
Tulos man na inarestar an mga ini kan mga kooperatiba huli ta kaiba sinda sa drug watchlist.
