LEGAZPI CITY- Padagos na nakatutok an mga otoridad sa sitwasyon kan bulkang Mayon sa Albay.
Segun ki Philippine Institute of Volcanology and Seismology Monitoring and Eruption Prediction Division Chief Mariton Bornas sa intrevista kan Bombo Radyo Legazpi, nagpapadagos an marahan na pagluwa kan lava sa bulkan.
Sa presente huli sa bagyong Inday sa laog kan Philippine Area of Responsibility, pigkakahaditan na maka eksperyensya nin mga pag-uran an provincia.
Sinabi kan opisyal na kun igwang makukusog na pag-uran, igwa man na posibilidad na dumausdos an lahar hali sa bulkang Mayon.
Partikular na pigbabantayan an channel compound na lahar o an may mga tambak na pyroclastic density currents siring kan Mi-si gully sa banwaan kan Daraga, Matanag-Boyoan Channel, Budio channel, Mabinit channel, Basud gully, Lidong channel, Padang channel asin iba pa.
