LEGAZPI CITY-Gadan an sarong 6-anyos na aki makalihis maipit sa sarong naaksidenteng cargo truck na natumba sa Sitio Pili, Barangay Poblacion, sa Castilla, Sorsogon.
Mantang tulong iba pang biktima, idinalagan sa ospital makalihis na magsapar nin lugad sa saindang hawal huli sa aksidente.
Segun kay Castilla Fire Station Officer-in-Charge Fire Marshal Senior Fire Officer 3 Rommel Gomez, sa intrevista kan Bombo Radyo Legazpi na naipaabot sa sainda an report asin tulos na nagrespunde sa lugar.
Digdi na napag-araman na sarong 6-anyos an naipit sa truck huli ta tuminagilid asin luminagpas ini sa concrete barrier.
Na-pull out man an aki sa pagkaka-ipit asin idinara pa sa ospital alagad binawian na ini nin buhay.
Basado sa inisyal na imbestigasyon kan mga otoridad, warang kabanggaan an truck alagad nawaran ini nin preno.
Sinabi man kan opisyal na bako man suboot pirmihan an aksidente sa lugar asin bako man ini accident prone area.
Huli digdi, pagirumdum kan opisyal sa publiko na pirmihang i-check an saindang mga behikulo bago mag-biyahe ngani dai maibitaran an kaparehong aksidente.
