LEGAZPI CITY-Dae na ipapadagos pa kan House Prosecution an tulo sa apat na impeachment articles laban ki Vice President Sara Duterte, huli ta nagtutubod ini na supisyente na an mga ebidensya manungod sa alegasyon sa dae maipaliwanag na yaman nganing mahale suboot an Bise sa pwesto.
Durante kan pagdangog sa korte sa impeachment kan Senado ngonian na aldaw nin Martes, sinabi ni House lead prosecutor Atty. Gerville “Jinky Bitrics” Luistro na sinda nakatutok na sana sa Artikulo II, o an dae maipaliwanag na kayamanan.
Pigbasura ni Luistro an pahayag ni Defense Lead Counsel na si Atty. Sheila Sison na an paghale kan tulong artikulo pwedisir magpaluya kan kaso.
Segun ki Luistro, parehas an gabat kan apat na impeachment articles, alagad pinili nindang itutok an proceedings sa Article II nganing maparikas an proseso asin ikonsiderar an interes kan gabos na imbueltong partido.
