LEGAZPI CITY-Nairido an walong katawo makalihis an nangyaring pananaksak sa sarong supermarket sa Incheon, South Korea.
Dinakop kan mga awtoridad an 59-anyos na suspechado, na nadukayan na may kapot na duwang kutsilyo.
Napugulan an suspek kan mga bystanders na nagtarabang gamit an mga tukawan antes mag-abot an mga kapulisan.
Padagos an imbestigasyon kan mga otoridad kun ano an motibo kan suspechado sa pag-atake.
Dinara man sa ospital an mga nairidong biktima—na pigbibilog nin anom na babae asin duwang lalaki.
Narekober kan mga pulis an dai mababa sa 10 kutsilyo sa backpack kan nasabing suspechado.
An suspechado igwa nin dati ng kaso nin attempted murder huli sa pananaksak sa dating agom kaini asin nagserbi nin apat na taon na sentensya sa karsel.
An mga madahas na krimen bihira sa South Korea, kun sain nasa 0.5 homicides na kaso sana sa 100,000 katawo kan taong 2024 basado sa statistics kan nacion.
