LEGAZPI CITY-Liwat na pig-alok ni U.S. President Donald Trump si Russian President Vladimir Putin ngani makahanap nin kasunduang magtatapos sa gera sa Ukraine makalihis an haros 90 minutong pag-oolay ninda sa telepono.
Segun sa Kremlin, nanindugan si Putin na bukas an Russia sa sarong pampulitika asin diplomatiko na resolusyon.
Alagad dapat isaalang-alang an posisyon kan Moscow sa sigalot.
Inakusaran man kaini an Ukraine asin mga kaalyado kaining Europeo na mawot pang palawigon an labanan.
Mientras tanto, nakaolay man ni Trump si Ukrainian President Volodymyr Zelenskiy, na nagsabing nagin magayon an saindang pag-oolay asin nagkasunod sindang idagos an talakayan sa paparaning NATO Summit sa Turkey.
Nanindugan man si Zelenskiy na importante an matatag na suporta kan Amerika ngani tuluyang matuldukan an labi apat na taong gera sa pagultanan kan Russia asin Ukraine.
