LEGAZPI CITY—Padagos na pig-iimbestigaran kan gobierno kan Thailand an nangyaring insidente kun sain gadan an nasa siyam na monghe asin irido an iba pa makalihis na mabangga kan sarong 11-anyos na joven na lalaki na nagmaneho nin pickup truck kan saiyang mga magurang sa Mukdahan Province.
Napag-araman na kinuha suboot kan joven an pickup truck na warang pagtugot kan saiyang mga magurang.
Segun ki Bombo International News Correspondent in Thailand Toto Bering Cadapan, sa intrevista kan Bombo Radyo Legazpi, pighihiling kun an nangyaring insidente an tinuyo, o sarong self-incident huli sa an driver kaini an sarong menor de edad.
Pig-iimbestigaran na ini asin sa presente pigpapakalma an nasabing joven na nasa kustodiya kan kapulisan.
Afuera digdi, may pighighiling man na anggulo na dapat panimbagon an saiyang mga magurang sa kun may kapabayaan sa saindang aki.
Katakod kaini, inabisuhan ni Cadapan sa mga magurang na bantayan an saindang aki nganing malikayan an siring na mga insidente.
