LEGAZPI CITY-Nakapagrehistro nin straight win sets an Pinay Tennis Star na si Alex Eala laban ki Patcharin Cheapchandej kan Thailand, sa score na 6-1, 6-0 sa round of 16 women’s singles tennis event sa 20th Asian Games sa Aichi-Nagoya, Japan.
Makaka-square off naman ni Eala si Joanna Garland an highest-ranked player kan Chinese Taipei, sa women’s singles quarterfinals.
An 25-anyos na Taiwanese an presenteng nasa ranked No. 143 sa WTA rankings asin pigkokonsiderang best tennis player sa saiyang nacion.
Si Eala asin Garland, dai pa nakakapaghampangan sa sarong laban sa ibang WTA tournament, alagad nasa track para sa enot na meeting sa Singapore Open antes sindang makapaghampangan sa second round sa Asian Games 2026.
Mientras tanto, nangengenot man liwat an China sa nagpapadagos na ASIAN games na igwang 126 gold medals, 51 silver asin 44 bronze medal; na pigsusundan kan Japan na igwang 39 gold medal, 64 silver asin 61 bronze medal.
Nasa ika-tulong pwesto man an South Korea na igwang 21 gold medals, 26 silver asin 43 bronze medals.
An Pilipinas man an nasa ika-16 na pwesto na igwang 2 gold medals, duwang silver medals asin sampulong na bronze medals.
