LEGAZPI CITY—Nagkundusir an Office of Civil Defense Bicol nin sarong kickoff ceremony katakod kan obserbasyon kan Regional Launching of National Disaster Resilience Month 2026 sa Daet, Camarines Norte.
Segun ki Office of Civil Defense Spokesperson Gremil Naz, sa intrevista kan Bombo Radyo Legazpi, katabang an gobierno provincial kan Camarines Norte asin Municipality of Daet inilansar sa provincia an pagpuon kan nasabing aktibidad.
Punto niya na importante an National Disaster Resilience Month huli sa natatawan nin sarong bulan na mag-reflect an mga local government units, mga pribadong organisasyon, Non-Governmental Organizations. Civil Society Organization, asin an national government agency sa saindang disaster risk reduction and management efforts.
Alagad tinawan doon ni Naz na bako sana bulan nin Hulyo pig-obserbar an paghiling sa vulnerability nganing mapakusog pa an kapasidad kun dapat taunan ining pig-obserbar huli sa dae aram kun nuarin matama an sarong kalamidad.
Katakod kaini may ipig-finalize pa kan ahensya kun igwa sindang online contest o face to face contest mapadapit sa tema, pagsagibo nin culminating webinar sa Hulyo 31 para sa mga local governement units partikularmente sa mga DRRMO officers asin national govfernement agencies para sa latest updates sa DRRM, local trainings para sa local offices ngunyan na taon.
