LEGAZPI CITY-Nagpaluwas nin forecast an Bangko Sentral ng Pilipinas (BSP) na an inflation para sa Hunyo 2026, piglalaomang nasa pagitan kan 6.0% hasta 7.0%.
Segun sa ahensya, makakatabang sa pagbaba kan inflation an pagbaba kan presyo kan domestic oil asin nagkapirang pangenot na pagkaon arog kan bagas asin karne.
Mantang piglalaoman na malangkaw an singil sa kuryente asin presyo kan gulayon, posibleng maglangkaw liwat inflation.
Pinagbabantayan man kan ahensya an bagong datos mapadapit sa inflation asin growth prospects.
Dagdag pa kaini na pigsusubaybayan man ninda an mga pangyayari sa Middle East na posibleng magresulta sa epekto sa presyo kan langis asin sa kabilugang ekonomiya.
Basado sa datos kan Development Budget Coordination Committee (DBCC), nagtetenir na halangkaw an inflation ngonian na taon, alagad piglalaomang mababa sa 4%–5% sa 2027, bago tuluyang bumalik sa target na 2%–4% band kan Bangko Sentral ng Pilipinas sa 2028.
