LEGAZPI CITY-Magpapakalat an United Kingdom nin mga fighter jet nganing idepensa an Saudi Arabia laban sa mga pag’atake kan mga rebeldeng Houthi sa Yemen.
Susog sa UK Ministry of Defence, an mga fighter jet kan Royal Air Force Typhoon magkokondusir nin defensive counter air-missions
An mga jet na ini kayang mag-intercept nin mga missile asin drone na nakatutok sa Saudi Arabia.
Sa mga nakaaging bulan, pinakusog kan mga Houthi an saindang mga pag’atake sa Saudi Arabia gamit an mga ballistic missile asin drone.
An mga Houthis na suportado kan Iran nagpuntirya sa mga pangenot na imprastraktura, kabali an mga oil facilities asin mga eropuerto.
An UK nagtao na nin suporta sa air-to-air refueling support sa Saudi Arabia asin nagbugtak nin mga kagamitan sa depensa sa eroplano asin mga tauhan kan Britanya nganing makatabang na protehiran an kahadean kan Saudi Arabia.
