Ipigsuhestyon kan Department of the Interior and Local Government (DILG) an posibilidad kan dagos na pagbabawal sa mga online video game na igwang matinding kadahasan.
Segun ki DILG Secretary Jonvic Remulla, kinakaipuhan na pag-adalan kan Kongreso asin magkakanigong ahensya de gobierno an propuestong total ban sa violent online games, para sa proteksyon kan mga jovenes na Pilipino.
Kasunod ini kan report na saro sa mga suspek sa pambabadil sa eskwelahan sa Tacloban City an nahilig sa sarong online game na pig-aapod na ”GoreBox.”
Segun sa Cybercrime Investigation and Coordinating Center (CICC), an GoreBox an sarong kawat na nagtataong dalan sa mga players na gumamit nin armas asin gumibo nin manlain lain na senaryo na igwang kinaaraman sa kadahasan.
Paramientras na hinarang kan CICC an access sa nasabing kawat sa nacion mantang pinag-aadalan an epekto kaini.
Segun sa DILG na pwedesir man na ikonsiderar an kaparehong mga lakdang kontra sa iba pang online games na may kaparehong content.
Sinabi ni Secretary Remulla na posibleng igwang epekto an pauru-utro na exposure kan mga jovenes sa madahas na conteng asin dapat na pag-adalan kun papano ini nakaka apektar sa saindang pag-uugali asin pag-iisip.
