Nilinaw kan Philipipne National Police (PNP) na dae ninda ipigkokonekta sa politika an nakumpiskar na ginatos na kilo nin iligal na droga sa Laos na nakatalaan kutang darahon sa Pilipinas.
Sinabi ni PCol. Allen Rae Co, hepe kan Public Information Office kan Philippine National Police (PNP), na warang katotoohan an mga nagluluwas na impormasyon na pigkokonektar ninda sa politika an nasabing isyu.
Pigduon kan opisyal na nag-agi sa legal na proseso an saindang imbestigasyon kun sain gabos na mga impormasyon an saindang pighahalungkat.
Napag-araman na igwa na man na natukoy na suspek na nasa likod kan nasabing pagbalo na pagpuslit nin droga.
Marurumduman na enot nang ipinaluwas ni Interior Secretary Jonvic Remulla an pagkakabisto kan mga suspek na nasa likod kan pagbalo na pagdadara kan droga sa nacion.
