Kritikal pa an kondisyon kan duwang estudyante na nairido sa nangyaring pambabadil sa San Jose National High School kan Lunes.
An mga biktima an sarong Grade 10 student na si Joan Vinias na nagsapar nin tama nin bala sa payo mantang an saro an Grade 9 student na si Nathan Candelario na may tama nin bala sa tulak.
Segun sa ina kan saro sa mga biktima na si Rowena Eracho, maraot an pagmati kan aki niya kan aga kan insidente asin diit pang dae maglaog sa eskwelahan alagad nagpumirit suboot ini.
Nagkapirang oras sana, nabalitaan kan ina an nangyaring pambabadil sa eskwelahan asin pag-abot niya sa ospital, nahiling na nakahigda sa stretcher an saiyang aki.
Labi man an pagmumundo ngunyan ni Rowena huli ta dae niya maakseptar an nangyari sa saiyang aki.
Hagad man kaini ngunyan an pagrahay kan saiyang aki, na pangaturugan na magin nurse sa futuro.
Mientras tanto, segun sa ama kan Grade 9 student na si Nathan na tulong luho an iwinalat kan tama nin bala sa bituka kan biktima kaya pinaglalaoman na mahahaluyan an pagrahay kaini.
