LEGAZPI CITY-Inabisuhan kan State Weather Bureau an publiko kontra sa pagtipon o pagbakal nin sobrang supply nin bottled water sa tahaw kan huma nin “Super El Niño.”
Posibleng dakula suboot an epekto kan water hoarding sa supply nin tubig sa nacion.
Sinabi kan ahensya na an El Niño pwedisir magtenir sagkod sa Marso o Hunyo sa 2027.
Haros 40 probinsya an pwedisir maapektaran kan labi-labing init asin makaeksperyensya nin diit na pag-uran.
Sa Enero, maeeksperyensyahan an dry conditions, dry spell o drought sa bilong na nacion.
Mientrastanto, naireport kan Department of Trade and Industry (DTI) na mantenidong bastante an supply kan bottled water sa mga merkado.
Susog sa Climate Change Commission, an mga lugar na may limitadong mga kahoy asin tinanom pwedisir makaeksperyensya nin init na poon sa 45 sagkod 50 degrees celsius.
An pig-aapod na “Super El Niño” piglalaoman na mapoon ngonian na Oktubre, kun sain an Climate Change Commission orog pang nagsabi nin 75% na posibilidad na an El Niño na maeeksperyensiyahan kan nacion poon 2026–pwedisir na mas malala pa sa mga nakalihis na season.
Nangyayari an El Niño kun nag-iitaas an temperatura sa ibabaw kan kadagatan, segun sa State Weather Bureau.
