LEGAZPI CITY- Tinawan duon kan Albay Police Provincial Office na puon pa sana sa pagbubukas kan klase kan Hunyo 8, 2026 dae nagpupundo an mga kapulisan sa paglalatag nin mga lakdang ngani na masierto an seguridad sa mga eskwelahan.
Ini an sa tahaw kan pagkahadit kan nagkapira kasunod kan nangyaring shooting incident sa sarong eskwelahan sa Tacloban City.
Segun ki Albay PPO Director Police Colonel Noel Nuñez sa intrevista kan Bombo Radyo Legazpi na nagkakaigwa nin kolaborasyon an mga kapulisan sa mga paratukdo asin mga magurang.
Napag-araman na padagos man an information drive kun sain ipigpapasabot sa mga jovenes an mapadapit sa Safe Spaces Act, Anti-bullying asin iba pang mga ley.
Afuera sa police visibility, nakikipagtabangan man suboot an Albay police sa mga safety enforcers asin iba pang stakeholders para sa traffic management asin safety measures sa mga eskwelahan sa provincia.
Dagdag pa ni Nuñez na mahigot na pigpapaotob an pagbabawal sa pagdadara nin anuman na matarom o armas sa laog kan mga eskwelahan.
