LEGAZPI CITY-Piglalaoman kan sarong grupo nin transportasyon na kagyat na hampangon kan Senado an impeachment ni Vice President Sara Duterte.
Kasabay ini sa mga pigbubusol ninda sa haros sunod-sunod na rally sa senado mapadapit sa orolay sa impeachment kan Bise Presidente kun sain nilustay suboot an pondo kan namamawaan.
Segun kay PISTON President Mody Floranda, sa intrevista kan Bombo Radyo Legazpi na kun nagamit sana an haros P600 Milyon sa pampublikong transportasyon asin pagsasagibo nin silid-aralan asin libro alagad nilustay ini kan Bise Presidente sa laog sana nin 11 aldaw o kaya naman sa laog nin 24 oras.
Sinabi pa niya na kadakol na dapat ipaliwanag si VP Sara sa orolay sa pondo kan gobierno.
Orog na enot na ining na-impeach sa Kongreso kan nakaaging taon asin ngonian na bulan kan Mayo sa presenteng taon kun sain haros labi sa 200 na mga kongresista an nagpirma.
Piglalaoman niya na hampangon kan Senado an orolay kan impeachment ngani matawanan suboot nin hustisya an namamanwaan huli sa dai maipaliwanag na pondo.
Tinawan doon pa niya na dapat mag-serbisyo an Senado sa taumbayan, bako sa mga kaalyadong politiko.
