LEGAZPI CITY—Aktibong nakisumaro an mga kapulisan kan Rapu-Rapu Municipal Police Station sa EMPO Challenge Simulation Exercise (SIMEX) on Drowning Incidents kan Albay Police Priovincial Office bilang parte kan padagos na pagpapakusog kan kahandaan sa pagresponde sa mga emerhensya asin kalamidad.
Segun ki Rapu Rapu MPS Chief of Police Police Major Joseph Melitante, sa intrevista kan Bombo Radyo Legazpi, nakisumaro digdi an manlaen-laeng ahensya siring kan Philippine Coast Guard, Bureau of Fire Protection (BFP), asin Municipal Disaster Risk Reduction and Management Office (MDRRMO) ng Rapu-Rapu.
Kinundusir an simulation exercise nganing masanay an mga kapulisan asin iba pang pag-iriba sa gobierno sa pagsagibo nin rescue operations mga insidente nin pagkalamos urog na sa saindang lugar.
Obheto man kaini an nganing malikayan an pag-panic sa katwal na insidente, masierto an salabado asin marikas na pagresponde sa anumang emergency situations.
Afuera digdi, sinabi man ni Melitante na pinahiling man kan aktibidad an importansya kan pagtatarabangan, komunikasyon asin koordinasyon nganing maguno an mas organisado asin epektibong disaster response mechanism.
Minetrastanto, menahe man kan heope sa namamanwaan na bago nman magpasiring sa lawod na magpaaram muna sa mga kaparientes, importante na igwang safety devices sa pagpapalawod maski tatao pa maglangoy para man sa saindang kaligtasan.
