LEGAZPI CITY-Itinaas na an tsunami warning sa siyam na probinsya kasunod kan makusog na 7.8 magnitude na linog na tuminama sa Sarangani kasubagong aga, ngonian na aldaw nin Lunes, Hunyo 8.
Sa localized tsunami warning na ipinaluwas kan Philippine Institute of Volcanology and Seismology (PHIVOLCS), piglalaoman na matamaan nin labi sa sarong metro an langkaw kan alon an posibleng maghaloy nin pirang oras sa mga coastal areas, baybayon asin straits.
Kabali sa mga coastal areas sa mga probinsya na nasa irarom kan tsunami warning iyo an Sarangani, Davao Occidental, South Cotabato, Sultan Kudarat, Zamboanga Del Sur, Zamboanga Sibugay, Basilan, Sulu asin Tawi-Tawi.
Inaabisuhan an mga residentes sa mga coastal areas sa mga nasambit na lugar na tulos na mag-ebakwar pasiring sa mas halangkaw na lugar.
