Lalo pang nagdakol an numero kan mga indibidwal na kumpirmadong nawawara kasunod kan magnitude 7.8 na linog na nagtama sa Mindanao.
Segun ki Office of Civil Defense (OCD) Assistant Secretary. Bernardo Rafaelito Alejandro IV, ngunyan na aldaw nakumpirmar kan Philippine authorities na umabot na sa 33 katawo an missing o padagos na pighahanap.
Ini an haros doble sa dating 17 missing kan mga nakalihis na aldaw.
Padagos man an pagluwas kan mga residente nganing i-report na nawawara an saindang mga kaparientes puon pa kan nangyari an pagyugo asin pigtutubudang natabunan sa mga gumuhong istraktura.
Nagsakat na man sa 688 katawo an numero kan mga kumpirmadong nairido huli sa linog.
Sa ngunyan nagpapadagos an paghahanap sa mga missing mantang positibo man liwat an mga rescuer na may madadatnan pang buhay, pirang aldaw makalihis an pagyugo.
Nagpapadagos man an clearing operations sa mga gumuhong edificio sa enot na natukoy na warang nadaganan o nawalat na indibidwal.
