Idineklara kan World Health Organization (WHO) ang Ebola outbreak sa Democratic Republic of Congo (DR Congo) bilang public health emergency of international concern huli sa peligro kan pisibleng paglakop sa ibang nacion.
Susog sa WHO, nasa Ituri province an outbreak kun sain may nasa 246 na suspected cases asin 80 an nagadan.
May 8 kumpirmadong kaso na kan Ebola, kabale an saro sa kabisera na Kinshasa asin iba pa sa pirang health zones siring kan Bunia, Mongwalu, asin Rwampara.
Napag-araman an virus an hale sa Bundibugyo strain kan Ebola, na wara pang aprubadong bakuna o bulong.
Kinumpirmar man kan WHO na may mga kaso na sa Uganda, kabale an 59-anyos na lalaki na nagadan makalihis mahawa.
Nagpatanid an WHO na pwedesir maglala pa an sitwasyon guli sa ribok sa rehiyon, kadakol na hiro nin tawo, asin kakulangan nin maayos na health facilities.
Inabisuhan kaini an mga apektadong nacion na magpatindog nin emergency response centers, mas mahigot na pag-monitor, asin tulos na isolation kan mga kaso.
