LEGAZPI CITY—Timbog an sarong call center agent na kabale sa Regional Watchlisted sa kinundusir na buy-bust operation sa Barangay Bagumbayan, Oas, Albay.
Binisto an suspek na si “Carla,” nasa legal na edad, warang agom, call center agent asin residente kan Ligao City.
Nakumpiskar sa suspek an nasa duwang gramo nin pigtutubudang shabu na may pigkarkulong standard drug price na P13,600. Narekober man digdi an buy-bust money asin boodle money na ginamit sa nasabing operasyon.
Naarestar ini sa piagsarong operatiba kan Oas Municipal Police Station, Albay Provincial Intelligence Unit, Regional Police Drug Enforcement Unit 5, Special Operations Unit 5 Philippine National Police – Drug Enforcement Group, Philippine Drug Enforcement Agency Albay, sa koordinasyon sa PDEA Region V.
Sa presente, nasa kustodiya na kan Oas MPS para sa magkakanigong dokumentasyon asin mahahampamg sa kasong pagbalgar sa Republic Act No. 9165 o an Comprehensive Dangerous Drugs Act of 2002.
