LEGAZPI CITY-Inalerto an power consumers ngonian na aldaw nin Huwebes, Mayo 14, 2026, huli ta isasairarom an Luzon asin Visayas grids sa red asin yellow alert status.
Huli ini sa forced outages asin derated capacities kan nagkapirang planta, susog sa National Grid Corporation of the Philippines (NGCP).
Sa Luzon, igwang available capacity na 12,479 megawatts kumparar sa peak demand na 12,595 megawatts, mantang sa Visayas nasa 2,413 megawatts sana laban sa peak demand na 2,541 megawatts.
Nairehistro an outages sa 17 planta sa Luzon asin 11 planta sa Visayas, afuera pa sa mga naenot nang outage poon 2025, 2024 asin iba pang taon, mantang labi sa 4,242.5 megawatts sa Luzon asin 866.7 megawatts sa Visayas an dai pa magagamit huli sa derated capacities.
An red alert nangangahulugang kulang an suplay nin kuryente ngani matugunan an demand, mientrastano an yellow alert indikasyon kan manipis na reserbang kuryente.
Huli digdi, posibleng makaeksperyensya nin rotational brownouts an nagkapirang lugar sa Luzon asin Visayas ngonian na hapon.
Pigpapayuhan kan NGCP an publiko na magtipid sa paggamit nin kuryente asin laoman na ipapaotob an Manual Load Dropping kun lalangkawan pa an demand.
