Kinumpirmar kan Department of Migrant Workers (DMW) na magsasairarom sa quarantine sa Rotterdam, Netherlands an 38 Pilipinong seafarers na lunad kan cruise ship na MV Hondius na tinamaan nin hantavirus.
Gigibuhon an nasabing qauarntine antes sinda dagos na mag-uli sa Pilipinas.
Segun ki DMW Secretary Hans Leo Cacdac, apat na tripulante na an nagpasiring sa Netherlands kan Mayo 10, mantang masunod na an natatada pang 20.
An natatada na 14 na deck asin engine crew an maiba sa barko pasiring sa Rotterdam.
Sinabi man ni Health Secretary Ted Herbosa na 42 aldaw an quarantine protocol asin magsasairarom muna sa testing an mga Pilipinong crew antes tugutan na makauli.
Sa presente, nasa marhay na salud man suboot an mga Pilipinong crew, na nagnegatibo sa virus.
Sinierto man kan ahensya na magtetenir na aktibo an kontrata kan mga seafarer asin padagos sindang maresibe nin sweldo mantang naka-quarantine, mantang sisimbagon man kan tagsadiri kan barko an gabos na gastos sa Netherlands.
