LEGAZPI CITY—Kalaboso an sarong truck driver sa ginibong buy-bust operation sa Purok 4, Mapiña, Barangay Sagpon, Daraga, Albay.
Binisto an suspek na si alyas “Pido”, 46-anyos, may agom, residente kan nasabing barangay asin kabale sa listahan kan mga Street Level Individual.
Naarestar ini mantang nasa akto nin pagpapabakal nin ilegal na droga sa operatiba kan Daraga Municipal Police Station na nagganap bilang poseur buyer.
Narekober gikan sa saiyang posesyon an walong pidaso nin heat sealed transparent plastic sachets na may laog nin pigtutubudang shabu na may gabat na 2.2 gramos asin kantidad na P14,960.
Sa presente nasa kustodiya na kan Daraga PNP an suspek asin mahahampang sa kasong pagbalgar sa Section 5 asin 11, Article II kan Republic Act 9165 o an Comprehensive Dangerous Drugs Act of 2002.
