Nagpapadagos an tensyon sa Strait of Hormuz makalihis an suboot pag-atake kan Iran sa tulong barko na harani sa Strait of Hormuz, na nagkawsa nin pagkahadit sa pang kinaban na suplay.
Segun sa report, sinabi kan Iran na pagbalos suboot ini sa naval blockade kan Estados Unidos asin sa nagkapirang insidente sa kadagatan.
Duwang barko an nasamsam mantang an saro an na-stranded harani sa baybayon kan Iran.
Nangyari an insidente nagkapirang aldaw makalihis an magkasuway na pahayag kan Estados Unidos asin Iran dapit sa pagbubukas kan strait, na nagkawsa nin pagkalibong sa mga barko na nag-aagi sa lugar.
Segun sa mga analysy na nagkawsa nin “genuine confusion” an magkaiba na kasuguan asin pahayag hali sa duwang nacion.
Pigduon ninda na pigagamit kan Tehran an kontrol sa strait bilang leverage sa negosasyon asin paagi ngani na mapalangkaw an insuace cost kan mga barko.
Sa presente ginatos na mga barko asin rinibong mga tripulante an nai-report na naiipit man liwat sa rehiyon, mantang nagtetenir na pabago-bago an sitwasyon sa saro sa pinakadakulang shipping routes sa kinaban.
