Pinabulaanan kan Moro National Liberation Front an espekulasyon na pinoprotektaran ninda si Sen. Ronald “Bato” Dela Rosa na pigsasabing nagtatago sa sarong makapangyarihan na armadong grupo sa Mindanao.
Malinaw na sinabi kan grupo sa pahayag ninda kan Oktubre 30 na wara sindang pormal na organisasyonal na relasyon sa mambabatas.
Nasa lebel sana suboot nin polisiya asin peacebuilding an koneksyon ni Dela Rosa sa MNLF, arog kan pagsulong kan integration kan mga miyembro kan MNLF asin MILF sa PNP asin AFP.
May personal asin political connections man an senador sa founder kan MNLF na si Nur Misuari paagi ki dating Presidente Rodrigo Duterte, alagad puro espekulasyon suboot sana an bareta na tinatago ninda ini.
Sinabi man kan organisasyon na fragmented an presenteng MNLF kaya wara nin kasiguruhan kun may kakayahan o plano an Misuari faction na pugulan an pag-aresto sa senador.
Nilinaw ninda na warang verified evidence na si Dela Rosa miyembro, operational ally, o pinoprotektaran kan saindang grupo.
Sa ngonian, padagos an paglinaw kan MNLF na wara sindang partisipasyon sa pig-aalegar na pagtago kan senador.
