Inakusaran ni House Committee on Public Accounts asin Bicol Saro Partylist Rep. Terry Ridon si Vice President Sara Duterte nin panlilinlang sa Supreme Court asin sa publiko katakod kan ipigsunad na petisyon na ipapundo an impeachment proceedings kan Kamara kontra saiya.
Sinabi ni Ridon na nakabase an petisyon sa salang pagpapahayag nin mga katotoohan asin baluktot na interpretasyon kan Konstitusyon asin naga iral na jurisprudence.
Pigduon kan kongresisya na matanos na naisagibo kan plenaryo kan Kamara an referral kan apat na impeachment complaints kan Pebrero 23, 2026, asin bako sana ini aksyon kan liderato o komite.
Pinahimutikan man ni Ridon an pahayag na kaipuhan nin deliberasyon antes an referral, huli ta warang siring na rekisito sa Konstitusyon, House rules, o naga-iral na desisyon kan korte.
Wara man suboot na nagkontra ko naghagad nin deliberasyon hali sa mga lehislador sa nasabing sesyon.
Dugang pa kan kongresista na igwang bastanteng basehan sa ley an mga lakdang kan House Committee on Justice, kaibanan an pagdangog asin pagtitipon nin ebidensya.
Sa ibong kan petisyon, sinierto ni Ridon na magpapadagos an Kamara sa proseso kan impeachment.
