Nakaabante si Alex Eala sa panibagong round makalihis na daugon an Austrian na si Julia Grabher, 6-4, 6-3, sa clay season opener sa Upper Austria Linz Open kan Miyerkules, Abril 8 (oras sa Pilipinas).
Sa enot na set, nagpahiling an tennis star kan saiyang determinasyon mantang nakipagsabayan sa home favorite antes dagos na naka-break sa ika-10 na kawat nganing makuwa an set.
Sa ikaduwang set, marikas siyang nakagibo nin 4-1 na bentahe makalihis kan sala sa serve ni Grabher sa ikaapat na game.
Si Grabher, na ranked No. 89, an igwang 43 spots na mas hababa kay Eala, sa paagi kan pagmamantenir kan saiyang serve sa ika-anom na game asin pagbabalik kan break sa ika-pitong game, pinabababa kaini an kalamangan ni Eala sa 4-3.
Alagad, marikas na nagbalik si Eala, na nag-break sa ikawalong game asin sinelyuhan an laban sa ika-siyam na kawat.
Ini an saiyang pinakaenot na kapangganahan sa clay court ngonian na season asin siya an naghahanda para sa sarong dakulang rematch laban sa Grand Slam champion asin fourth seed na si Jelena Ostapenko, na nagresibi nin opening-round bye.
.){kind=link}