Padagos an paghihingoa kan gobyerno na maibalik sa nasyon si dating Ako Bicol Party-list Rep. Zaldy Co nganing panimbagon sa pigkakahampang na kaso
Sa katunayan, sinabi kan Presidente na an gobyerno pormal nang naghagad nin tabang sa Portugal, kun saen pigtutubodan na nagduman si Co, asin naghahagad nin kooperasyon nganing malampasan an mga limitasyon sa hurisdiksyon.
Nganing maparikas an proseso, nagpaluwas nin abiso an gobyerno kan Pilipinas sa Interpol na naghahagad nin tabang sa paghanap asin pagpadali kan pagbalik ni Co.
Padagos an administrasyon na nakikipag-ulay sa mga awtoridad kan Portugal nganing masyerto na nasusunod an gabos na legal asin diplomatikong proseso.
Liwat na pinagtibay kan Malacañang an saindang promesa sa pag-uphold kan rule of law asin pigsierto sa publiko na gagamiton an gabos na legal na paagi nganing maibalik si Co sa nasyon mantang ipigrerespeto an international law asin soberaniya kan ibang nasyon.
