Sienerto ni House Speaker Faustino “Bojie” Dy III na padagos na mahiro an House of Representatives nganing mapagaan an epekto kan nagtitinding tensyon asin giyera sa Middle East sa ekonomiya kan Pilipinas.
Segun sa Speaker, mantang harayo an kariribokan sa nacion, namamatean kan mga Pilipino ang epekto kaini urog na sa paghalangkaw kn presyo nin krudo, na nagkakawsa nin pagmahal kan pamasahe, pagkaon, asin iba pang pangenot na pangangaipuhan.
Tinawan-doon man ni Dy na ibubusol kan Kamara, katabang an ehekutibo, ang mga priority bills asin lakdang nganing mabawasan an epekto kan paghalangkaw kan presyo kan krudo sa mga obrero, commuter, paraooma, asin saradit na negosyo.
Dagdag pa ni Speaker Dy, padagos na matutok an Kongreso sa mga patakarang magpapakusog sa ekonomiya asin maprotekta sa kabuhayan kan mga namamanwaan.
Ipigdoon man kan Speaker na siring kan mga nakalihis na krisis na nalagpasan kan nacion, malalampasan man kan mga Pilipino an presenteng agyat sa paagi kan pagkasararo sa pagtatarabangan.
