LEGAZPI CITY—Nangapudan an nagkapirang partienda sa Legazpi Public Market na magbugtak pirmi nin kapulisan digdi nganing maasigurar an kaligtasan kan publiko makalihis an mga nai-report na pangungulog kan sarong joven na nagtitinda nin basahan.
Segun sa sarong paratienda na si Kristine Alzaga, sa intrevista kan Bombo Radyo Legazpi, sainda man ining ikinatatakot huli sa dae ninda aram kun bigla na sana sindang kulugan kan naunambitang indibidwal.
Nahiling niya suboot an joven na nasa edad 17 o 18-anyos na may dara ining bala na ipigrarapas asin asin nagsusuriyaw sa lugar.
Dugang pa niya na natamaan man kaini an sarong enforcer makalihis na gapuon ini kan siya pigsasaway.
Naglalaom man si Alzaga na maasikaso na ini kan saiyang pamilya huli sa posible suboot may deperensya ini sa pag-iisip.
Mensahe man niya sa mga konsomedores na dae matakot magpasiring sa lugar huli sa dakol man an enforcers na nagbabantay sa nasabing merkado.
