Kinumpirmar kan Qatar Ministry of Defense na nakaeksperyensya an nacion nin missile attack kan Huwebes, Marso 5, mantang aktibong in-intercept ini kan saindang air defense systems.
Huli digdi nangapodan an gobierno sa mga namamanwaan, residente asin mga foreigner kaini na magtinir na kalmado, sunudon an mga opisyal na abiso, likayan an pagpapakalat nin mga salang bareta, asin mag-asa sana sa impormasyon hale sa mga opisyal ka gobierno.
Magigiromdomang enot nang sinabi kan Qatar kan Martes na bako sana an mga military facility ang tinarget kan Iran kundi magin an bilog na teritoryo kan Qatar, kabale an Hamad International Airport asin mga gas facility sa nacion.
Segun sa mga otoridad, nakapagpabagsak sinda nin duwang Iranian fighter jets na naglaog sa saindang airspace kan Lunes.
Binanggit man kan opisyal na an pangenot na prayoridad ngunyan kan gobierno an kaligtasan kan mga namamanwaan asin residente sa nacion, na kumakatawan sa pocomas o menos 140 na nasyonalidad.
Wara man na presenteng bukas na linya nin komunikasyon sa pagultangan kan Qatar asin Iran, segun ki Al-Ansari. Tinawan-doon niya na preparado an nacion na magdepensa asin may bastanteng missiles man suboot sida nganing hampangon an anumang pag-atake.
Mientrastanto, nagtitinir na sarado an airspace kan Qatar. Labi sa 8,000 transit passengers na presenteng stranded. Siring man an mga report kun sain nagtama an mga bagong missiles attack kan Iran.
