LEGAZPI CITY—Liwat na nakapagrehistro nin panibagong ashfall an banwaan kan Camalig, Albay huli kan nagpapadagos na aktibidad kan bulkang Mayon.
Segun ki Camalig Mayor Caloy Baldo, sa intrevista kan Bombo Radyo Legazpi, kabale sa mga naapektaran na lugar an sentro kan banwaan, asin parte kan Mayon Unit area siring kan Baranggay kan Anoling, Quirangay asin Tumpa.
Dugang kan alkalde na nadadanyaran an mga pananom sa mga nasabing lugar kun sain nagkapira an nagagadan asin nararaot na an mga dahon kan mga pananom na gulay huli kan mga nairerehistrong asfall.
Padagos man an pagbarewas nin tabang kan saindang gobierno kaiba an pagdistribuir nin food packs asin cash for work para sa mga apektadong paraooma.
Mientrastanto, kahagadan ninda ngunyan an face masks na pwedesir maibarewas sa mga residenteng pig-aabot kan ashfall, asin magin gatas o diapers na maiheheras sa mga residenteng may mga omboy na presenteng nagtetenir sa evacuation centers.
