Dae natinag si Department of National Defense (DND) Secretary Gibo Teodoro sa pagkahadit kan mga Filipino-Chinese business group na magkakaigwa nin bako magayon na epekto sa negosyo kan padagos na simbagan kan Pilipinas asin China dapit sa West Philippine Sea.
Segun ki Teodoro, dae dapat basulon an mga Filipino huli ta an China an pirit na nagka-klamar sa WPS.
Puon pa kaito dae suboot nagpupundo an China sa pambubully sa mga parasisirang Pilipino na naglalayag sa kadagatan kan nacion.
Ipigpapa ubaya na sana kan opisyal sa mga namamanwaan an paghusga sa nagkapirang mga lider asin opisyal kan nacion na garing pigsusurugan an salang ipinaglalaban kan China.
