LEGAZPI CITY-Pig-aagarangay ngonian kan sarong transport groups an paglangkaw kan presyo sa produktong petrolyo sa masunod na semana
Segun kay Piston President Mody Floranda, sa intrevista kan Bombo Radyo Legazpi na ini an ikapitong paglangkaw kan presyo poon kan Enero sagkod sa maabot na Martes.
Dagdag pa niya na labi sa piso an liwat na nadadagdag sa kada litro kun sain haros P7 an patong kaini sa kada litro na nagreresulta sa dakulang kawaran nin ganansya para sa mga driver asin operator.
Sinabi pa niya na padifisilan man ini para sa mga namamanwaan katakod kan paglangkaw man kan mga pangenot na barakalon asin an haros dai maagapan na kita kan mga driver asin obrero.
Paliwanag pa niya na nasa P180 kada aldaw an nawawarang ganansya sa mga driver asin operator na kun hihilingon sa laog nin 25 aldaw, nasa 4,500 an nawawarang ganansya.
Idagdag pa suboot an paglangkaw kan pamasahe poon kan Oktubre na haros P36 an itinaas sa presyo kan produktong petrolyo kun kaya nagaabot sa haros P24, 000 an nawawarang ganansya sa laog nin sarong bulan.
Kinakaipuhan suboot kan gobierno asin presenteng administrasyon na haros 28 taon na an oil deregulation law asin dapat ibasura asin halion na an buwis sa langis ngani makatabang sa sahod asin ganansya kan mga namamanwaan.
Susog sa Department of Energy (DOE), dai suboot maiibitaran an serye kan paglangkaw sa presyo kan produktong petrolyo huli sa suplay sa internasyunal na merkado.
