LEGAZPI CITY – Preparado nang ipa-otob kan mga kapulisan sa ciudad kan Tabaco an pazy orden sa nagdadangadang na Chinese New Year.
Segun ki Tabaco City Police Station Chief of Police Police Lieutenant Colonel Virgil Bibat sa intrevista kan Bombo Radyo Legazpi na nakipagkoordinar na man sinda sa Lokal na Gobierno nganing matawan nin police visibility an isasagibong mga aktibidad.
Tututukan man ninda an bussiness district area sa ciudad urog nang mga Pilipino-Chinese an kadaklan sa mga kagsadiri kaini na pwedesir dagsaon kan mga makiki-selebrar sa traditional na selebrasyon.
Kapareho suboot kan pagsabat kan taong 2026, pigtutugutan sana nindang maggamit nin fireworks alagad syertuhon sanang salbado ini mantang mahigot na ipinagbabawal an pagpapaputok para sa kaligtasan kan mga makikisumaro sa mga aktibidad.
Pigheras man kan opisyal an magayon nindang pakikipagtabangan sa manlain-laing law enforcement agencies nganing magin preparado sa manlain-laing aktibidad kan ciudad, dakula man o maski sadit an matatawan ninda nin seguridad.
Pagdoon niya man na permihang nakakalat sa enterong ciudad kan Tabaco an saindang mga checkpoints nganing mabawasan o mapugo an 8-Focus crime arug kan panghahabon, theft, physical injury, asin iba pa.
Pagirumdom man ni Bibat na wara man maraot sa pagsunod sa tradisyon asin pigtutubudad alagad kaipuhan man liwat an pag-iingat sa pagselebrar kan Chinese New Year.
