LEGAZPI CITY-Kahagadan ni Mary Jane Veloso, an Pinay na nahatulan sa ibang nacion sa kasong drug trafficking, na pagkalooban siya nin kalayaan ngani maalagaan an saiyang mga magurang asin aki makalihis an 16 na taon.
Sa saiyang surat na ipinaluwas kan Migrante International, sinabi ni Veloso na wara na siyang ibang pigmamawot kundi makaiba liwat an saiyang pamilya.
Pigheras man niya an kadifisilan kan saiyang magurang na makabiyahe hale sa Nueva Ecija nin walo hasta sampulong oras ngani bisitahon siya kaiba na an gastos sa pamasahe asin pagkakan.
Sinabi man ni Veloso na makalihis an sarong taon poon kan mailipat siya sa Pilipinas, nagtetenir siyang nakakulong maski wara siyang nagibong kasalanan magin sa sadiring nacion.
Si Veloso presenteng nakakulong sa Correctional Institution for Women sa Mandaluyong, makalihis siyang ilipat hale sa Indonesia pasiring sa Pilipinas.
Naghaloy siya nin 15 taon sa kulungan, asin an dating sentensiyang kagadanan pinalitan kan 2015 huli sa apela kan gobierno kan Pilipinas.
