Nakatalaang magtestigo si dating Overseas Filipino Worker Mary Jane Veloso sa Hunyo 19 sa laog kan Correctional Institution for Women sa Mandaluyong City.
Isasagibo ini sa Mandaluyong City Regional Trial Court Branch 210 kun sain dadangon an testimonya ni Veloso sa laog kan Correctional Institution for Women kun sain ini nagtetenir.
Kan 2024 pa nailipat na si Veloso sa Correctional Institution for Women hale sa Indonesia makalihis na ini an mahatulan huli sa drug trafficking.
Matestigo si Velasco laban sa saindang iligal recruiter na si Maria Cristina Sergi asin iba pa sa kasong qualified trafficking in person,estafa asin pagbalgar sa Migrants Workers and Overseas Filipino Act.
Isasagibo an hearing kan kaso sa Santo Domingo, Nueva Ecija Regional Trial Court asin huli sa nakakulong si Veloso sa Correctional Institution for Women an nagdesisyon an Korte Suprema na isagibo an hearing sa laog kan prison compound.
Sinugo man kan korte an Correctional Institution for Women na maghanda nin kwarto kun sain isasagibo an hearing na iibahan an pirang mga personnel kan Mandaluyong Regional Trial Court asin pirang partido.
