LEGAZPI CITY—Nanindugan an sarong transport group na palpak an Public Utility Vehicle Modernization Program kan gobierno kasunod kan mga nagin epekto kaini sa pamumuhay kan mga operator asin driver sa nacion.
Segun ki Pagkakaisa ng mga Samahan ng Tsuper at Operator Nationwide (PISTON) President Mody Floranda, sa intrevista kan Bombo Radyo Legazpi, na kun dati kun sain kapot pa kan mga driver an indibidwal na prangkisa an nakakapagpa-adal pa sinda kan saindang mga aki kumpara sa presente na haros dae na nasimbagan an mga pangangaipuhan kan saindang pamilya.
Sinabi pa kan opisyal na tinanggalan nin direchos an mga jeepney operator na kun sain an dae man kaya kan mga ini an paglaog sa nasabing modernization program.
Pangapudan man suboot kan mga driver asin operators na maghale sa kooperatiba o korporasyon, liwat na buhayon an saindang mga association asin magtinir bilang mga indibidwal na nagmamay-ari kan saindang prangkisa.
Afuera digdi, pigsuhestyon man kan opisyal na magkrear nin sadiring industriya sa nacion nganing Pilipino mismo an maggibo nin siring na mga behikulo huli sa irarom kan modernization program bako an lokal na sektor asin ekonomiya an nag-uuswag kundi an mga darakulang negosyo.
